სიახლეები

თბილისის სატრანსპორტო კომპანიის განცხადება

18 სექტემბერი 2017

ტექნიკური ხარვეზის გამო მგზავრებისთვის დროებით მიუწვდომელია სატრანსპორტო კომპანიის რამდენიმე სერვისი, კერძოდ გამორთულია გაჩერებებზე არსებული ტაბლოები, ვებ-გვერდზე და მობილურ აპლიკაციებში არ მუშაობს რამდენიმე ფუნქცია - ტაბლოს ინფორმაცია, ავტობუსი რეალურ დროში. 

თბილისის სატრანსპორტო კომპანიის განცხადება

18 სექტემბერი 2017

თბილისის სატრანსპორტო კომპანია გაცნობებთ, რომ გეგმიურ-პროფილაქტიკური სარემონტო სამუშაოების გამო, რიყე-ნარიყალას საბაგირო გზა დროებით ვერ მოემსახურება მგზავრებს. დამატებითი ინფორმაციისთვის მიმართეთ სატრანსპორტო კომპანიის ცხელ ხაზს 2934444. თბილისის სატრანსპორტო კომპანია ბოდიშს გიხდით შექმნილი დისკომფორტისთვის

თბილისის სატრანსპორტო კომპანიის განცხადება

16 სექტემბერი 2017

16 სექტემბერს, 15:00 საათისთვის მეტროსადგურ სამგორში, კახეთის გზატკეცილის მხრიდან ესკალატორზე დაშავდა მცირეწლოვანი ბავშვი, რომელიც მგზავრობდა მშობელთან ერთად. ინციდენტის გამომწვევი მიზეზი გახდა მშობლის მხრიდან მეტროთი მგზავრობის უსაფრთხოების წესების უხეში დარღვევა, კერძოდ ესკალატორიდან გადმოსვლის დროს ბავშვი დარჩა მარტო, წაიქცა და ესკალატორის ე.წ. სავარცხელში დაიზიანა ხელის მტევანი. სადგურის მორიგემ და პერსონალმა დროულად მოახერხეს რეაგირება და ესკალატორის გამორთვა. ადგილზე გამოძახებული იყო სამაშველო სამსახური და სასწრაფო დახმარება, რომლებმაც ბავშვი კლინიკაში გადაიყვანა.

ახალი ლურჯი ავტობუსები N 150 მარშრუტზე იმოძრავებენ

15 სექტემბერი 2017

დღეიდან სექტემბრიდან ახალი ავტობუსები გავიდა N150 მარშრუტზე, რომელიც ბარათაშვილის ქუჩიდან, რუსთაველისა და ვაჟა-ფშაველას გამზირების გავლით სახელმწიფო უნივერსიტეტის მაღლივ კორპუსამდე მოძრაობს. N150 მარშრუტზე გამოთავისუფლებული ყვითელი ავტობუსები საჭიროების შესაბამისად სხვა მარშრუტებზე გადანაწილდება.