თბილისის სატრანსპორტო კომპანია გაცნობებთ, რომ თბილისის მეტროს საბურთალოს ხაზზე 17:56 საათიდან მოძრაობა სრულად აღდგა. შეგახსენებთ, რომ ტექნიკური გაუმართაობის გამო, თბილისის „მეტროპოლიტენის" საბურთალოს ხაზზე, მეტროსადგურები „ვაჟა ფშაველა" და „სახელმწიფო უნივერსიტეტი" 17:00 საათიდან შეფერხებით მუშაობდა. მგზავრების მომსახურება მეტროსადგურ „დელისამდე" იყო შესაძლებელი.

თბილისის მეტროს, მატარებლების სადისპეტჩეროს გადაწყვეტილებით, უსაფრთოების ზომებიდან გამომდინარე, მეტროსადგურები „ვაჟა ფშაველა" და „სახელმწიფო უნივერსიტეტი" დროებით დაიკეტა მგზავრთა მიღებაზე. ტექნიკურმა ჯგუფმა დროულად შეძლო ხარვეზის აღმოფხვრა და ამ დროისათვის მეტროს ორივე ხაზი შეუფერხებლად ემსახურება მგზავრებს.