31 დეკემბერს, ახალი წლის ღამეს, თბილისის მუნიციპალიტეტის მერია პირველი რესპუბლიკის მოედანზე საახალწლო ღონისძიებას გეგმავს, რის გამოც საზოგადოებრივი ტრანსპორტი გახანგრძლივებულ რეჟიმში იმუშავებს.

მეტროპოლიტენის მომსახურება პირველი იანვრის 00:00 საათიდან გახანგრძლივდება 03:00 საათამდე; ავტობუსებით მგზავრთა მომსახურება ასევე გახანგრძლივდება პირველი იანვრის 03:00 საათამდე; რიყე-ნარიყალას საბაგირო გზა მგზავრებს 31 დეკემბრის 22:00 საათიდან 2024 წლის პირველი იანვრის 03:00 საათამდე მოემსახურება.

რაც შეეხება შობის ღამეს, თბილისის მეტროს მუშაობა 7 იანვრის 00:00 საათიდან გახანგრძლივდება 03:00 საათამდე და მგზავრთა მომსახურება უფასო იქნება.